Европа ерости омборларида (UGS) газ захиралари даражаси 70 фоиздан ошди, тўлдириш даражаси юқорилигича қолмоқда. Бу ҳақда Gas Infrastructure Europe ассоциациясига таяниб, «ТАСС» хабар бермоқда.
Европа омборларидаги газнинг умумий ҳажми тахминан 70,8 миллиард куб метрни ташкил қилади.
Омборларнинг энг юқори даражаси ҳозир Португалия ва Польшада — улар газ захирасини мос равишда 100 фоиз ва 99,1 фоизга етказди.
Газ омборлари Германияда 69,9 фоизга, Францияда 80,5 фоизга, Италияда 73,6 фоизга, Болгарияда 48,9 фоизга, Данияда 88,8 фоизга, Венгрияда 52,6 фоизга, Австрияда 58,5 фоизга тўлдирилган.
Европа Иттифоқи давлатлари 2022-2023 йиллар қишига қадар UGS объектларини камида 80 фоизга ва кейинги қиш мавсумларида эса 90 фоизга тўлдиришга ваъда берган.
Бироқ Европа минтақадаги жазирама тўлқинлар ва Россиядан етказиб беришнинг камайиши фонида янги энергия муаммоларига дуч келмоқда.
Аввалроқ газ муаммоси сабаб Европа қийин вазиятда, бироқ Россияда аҳвол бундан ҳам ёмонроқлиги ҳақида хабар берилганди.
Изоҳ (0)