Belgiyada inflyatsiya deyarli 10 foizga yetdi, bu 1997-yildan beri rekord ko‘rsatkichdir. Bu haqda La Libre Belgiquye’ga tayanib, “Interfaks” xabar berdi.
1997-yildan boshlab, Eurostat statistika xizmati metodologiyasi bo‘yicha hisob-kitoblar boshlanganidan beri, birinchi marta Belgiyada apreldan iyungacha o‘rtacha inflyatsiya darajasi 9,9 foizni tashkil etdi.
Mamlakatdagi inflyatsiya asosan energiya narxlarining ko‘tarilishi bilan izohlanadi. Ikkinchi chorakda ular 64,3 foizga qimmatlashgan.
Ammo 2021-yil oxiridan boshlab inflyatsiya boshqa barcha mahsulot guruhlarida ham o‘sib bormoqda.
Shunday qilib, u joriy yilning ikkinchi choragida oziq-ovqat mahsulotlari bo‘yicha 6,5 foizni tashkil etdi.
Avvalroq Turkiyada inflyatsiya qariyb 80 foizga yetgani haqida xabar berilgandi.
Izoh (0)