“Roma” hujumchisi Eldor Shomurodov faoliyatini Turin klubida davom ettirishi mumkin.
SportItalia nashrining xabar qilishicha, o‘zbekistonlik futbolchiga ayni vaqtda “Torino” asosiy da’vogar bo‘lib turibdi.
Turin klubining asosiy markaziy hujumchisi Andrea Belotti erkin agent maqomida jamoani tark etdi. “Torino” hozirda hujumchi qidirmoqda.
Avvalroq Shomurodovga “Bolonya”, “Vulverhempton”, “Sassuolo” va “Al-Hilol”dan qiziqish borligi xabar qilingandi.
Shomurodov 2021-yilning yozgi transfer oynasida 18 million yevro evaziga “Jenoa”dan “Roma”ga o‘tgandi. U “bo‘rilar”safida jami 40 ta o‘yin o‘tkazib, beshta gol va oltita golli uzatma amalga oshirdi.
Izoh (0)