Kompaniya faoliyatining samaradorligi uning biznes jarayonlari, shu jumladan, xodimlarni boshqarish tizimi qanchalik aniq va to‘g‘ri yo‘lga qo‘yilganiga bog‘liq. Hozirgi vaqtda shunchaki xodimlar yollash yoki rahbarlarni o‘z o‘rniga qo‘yishning o‘zi yetarli emas. Kompaniya bo‘linmalarida o‘zaro hamkorlik va aloqalarni tartibga soladigan aniq tuzilma shakllanishi kerak.
Toshkent shahrida o‘z ofisiga ega LeverX Group xalqaro IT kompaniyasi Farg‘ona neftni qayta ishlash zavodida (FNQIZ) SAP HCM inson resurslarini boshqarish tizimini joriy etish bo‘yicha o‘z hikoyasi bilan o‘rtoqlashdi. Ushu maqolada yangi o‘zgarishlar kompaniyaga nima bergani va HR sohasi bilan bog‘liq biznes jarayonlar tezligiga qanday ta’sir qilgani haqida so‘z boradi.
Farg‘ona neftni qayta ishlash zavodida SAP HCM inson resurslarini boshqarish tizimi nima uchun kerak?
2021-yilda FNQIZ zavodini yangi egasi sotib oldi. U korxonani modernizatsiya qilishga 380 million dollardan ortiq sarmoya kiritish niyatini bildirdi. Ushbu mablag‘lar ishlab chiqarish quvvatlari va hajmini oshirish bilan bir qatorda, jarayonlarni avtomatlashtirish uchun ham sarflanadi. Bu yo‘nalishdagi qadamlardan biri sifatida SAP HCM inson resurslarini boshqarish tizimi joriy etilmoqda.
Avval FNQIZ xodimlarini boshqarish tizimida quyidagi kamchiliklar bor edi:
- O‘zbekiston qonunchiligiga mos keladigan yagona HR tizimi mavjud emasligi;
- Kompaniyada bir vaqtning o‘zida juda ko‘p dasturiy yechimlardan foydalanilgan - ular bir-biri bilan integratsiya qilinmagan, takomillashtirish va moslashtirish uchun doimiy ravishda qo‘shimcha xarajatlar talab etilgan;
- Kadrlar bilan bog‘liq biznes jarayonlarini yuritish uchun uslubiy va me’yoriy hujjatlar, birlashtirilgan va standartlashtirilgan hisobotlar bo‘lmagani;
- Shaxsiy ma’lumotlarni himoya qilish uchun kafolatlar yo‘q edi;
- Ko‘p sonli qo‘lda bajariladigan operatsiyalarni bajarish va ma’lumotni bir nechta tizimlarga takroran kiritish talab qilinar edi.
Hozirda loyihani amalga oshirish ishlari davom etmoqda va quyidagi funksional modullar joriy etilmoqda: tashkiliy menejment, xodimlarni boshqarish, vaqt ma’lumotlarini boshqarish, ish haqini hisoblash. Rejaga ko‘ra, SAP HCM tizimini joriy etish ishlari taxminan 14 oy davom etadi va 2023-yil fevraliga qadar yakunlanadi.
SAP HCM tizimini joriy etishdan qanday natijalar kutilmoqda?
- Samarali biznes jarayonlarni joriy etish, zamonaviy raqamli platforma va SAP kompaniyasining eng yaxshi global amaliyotlaridan foydalanish.
- Biznes ehtiyojlari va O‘zbekiston qonunchiligiga muvofiq uslubiy va me’yoriy hujjatlarni ishlab chiqish va qabul qilish. Tizimda qonunchilikning barcha talablari va normalariga rioya etilishini nazorat qilish.
- Xodimlarni boshqarish va ish haqini hisoblash tizimlarini qo‘llab-quvvatlash va rivojlantirish xarajatlarini kamaytirish.
- Hisobotlarning sifatini oshirish va kompaniya tomonidan HR xizmatlarining o‘z vaqtida ko‘rsatilishini ta’minlash.
- Yangi standart imkoniyatlar va zamonaviy SAP S/4HANA vositalaridan foydalanish.
- Jarayonlarni optimallashtirish va qo‘lda bajariladigan operatsiyalar sonini keskin kamaytirish orqali mehnat unumdorligini oshirish.
- Yagona ma’lumotlar bazasini yaratish va maxfiy ma’lumotlar xavfsizligini kafolatlash.
“Farg‘ona neftni qayta ishlash zavodi” MChJ biznes jarayonlarini avtomatlashtirish direktor o‘rinbosari Natalya Alshanikova HCM modulining joriy etilishi Farg‘ona neftni qayta ishlash zavodini SAP S4/HANA ekotizimiga o‘tkazish bo‘yicha keng ko‘lamli loyihaning tarkibiy qismlaridan biri ekanini ta’kidladi.
“Bugungi kunda mamlakatimizda “Raqamli O‘zbekiston 2030” strategiyasi hayotga tatbiq etilmoqda va korxonamiz ushbu strategiyaning drayverlaridan biri hisoblanadi. Farg‘ona neftni qayta ishlash zavodi SEG kompaniyasining bir qismiga aylangandan so‘ng, biz rivojlanish uchun biznesni raqamlashtirish vektorini tanladik. Chunki ushbu korxonada ulkan salohiyatni ko‘rmoqdamiz. Xodimlar va ish haqini hisoblash bilan bog‘liq jarayonlarni avtomatlashtirish HR xizmatining jarayonlarini sezilarli darajada optimallashtirishga imkon beradi va natijada inson resurslarini ular eng ko‘p talab qilinadigan kadrlar blokiga yo‘naltirish imkonini beradi,– deydi direktor o‘rinbosari.
RISE with SAP bilan raqamli transformatsiya – intellektual korxonaga aylanishning aqlli usuli. Shu bilan birga, FNQIZ tizim joriy etilishining yuqori sifatiga va integrator hamkor sifatida LeverX Group kompaniyasi tanlangani tufayli keyinchalik ham qo‘llab-quvvatlanishiga ishonch bildirmoqda.
- Raqamli transformatsiya bo‘yicha o‘z tajribamiz va bilimlarimiz bilan o‘rtoqlashish imkoniga ega bo‘lganimizdan mamnunmiz. Kompaniyamiz bilan biznes va axborot texnologiyalarini birlashtirish orqali eng katta loyihalarni ham amalga oshira olish va biznes maqsadlariga erishishda mijozlarimizga har tomonlama yordam berishga tayyormiz, – deya xulosa qiladi LeverX Group kompaniyasining konsalting bo‘yicha direktori Vladimir Kareliy.
Reklama huquqi asosida.
Izoh (0)