Компания фаолиятининг самарадорлиги унинг бизнес жараёнлари, шу жумладан, ходимларни бошқариш тизими қанчалик аниқ ва тўғри йўлга қўйилганига боғлиқ. Ҳозирги вақтда шунчаки ходимлар ёллаш ёки раҳбарларни ўз ўрнига қўйишнинг ўзи етарли эмас. Компания бўлинмаларида ўзаро ҳамкорлик ва алоқаларни тартибга соладиган аниқ тузилма шаклланиши керак.
Тошкент шаҳрида ўз офисига эга LeverX Group халқаро IT компанияси Фарғона нефтни қайта ишлаш заводида (ФНҚИЗ) SAP HCM инсон ресурсларини бошқариш тизимини жорий этиш бўйича ўз ҳикояси билан ўртоқлашди. Ушу мақолада янги ўзгаришлар компанияга нима бергани ва HR соҳаси билан боғлиқ бизнес жараёнлар тезлигига қандай таъсир қилгани ҳақида сўз боради.
Фарғона нефтни қайта ишлаш заводида SAP HCM инсон ресурсларини бошқариш тизими нима учун керак?
2021 йилда ФНҚИЗ заводини янги эгаси сотиб олди. У корхонани модернизация қилишга 380 миллион доллардан ортиқ сармоя киритиш ниятини билдирди. Ушбу маблағлар ишлаб чиқариш қувватлари ва ҳажмини ошириш билан бир қаторда, жараёнларни автоматлаштириш учун ҳам сарфланади. Бу йўналишдаги қадамлардан бири сифатида SAP HCM инсон ресурсларини бошқариш тизими жорий этилмоқда.
Аввал ФНҚИЗ ходимларини бошқариш тизимида қуйидаги камчиликлар бор эди:
- Ўзбекистон қонунчилигига мос келадиган ягона HR тизими мавжуд эмаслиги;
- Компанияда бир вақтнинг ўзида жуда кўп дастурий ечимлардан фойдаланилган - улар бир-бири билан интеграция қилинмаган, такомиллаштириш ва мослаштириш учун доимий равишда қўшимча харажатлар талаб этилган;
- Кадрлар билан боғлиқ бизнес жараёнларини юритиш учун услубий ва меъёрий ҳужжатлар, бирлаштирилган ва стандартлаштирилган ҳисоботлар бўлмагани;
- Шахсий маълумотларни ҳимоя қилиш учун кафолатлар йўқ эди;
- Кўп сонли қўлда бажариладиган операцияларни бажариш ва маълумотни бир нечта тизимларга такроран киритиш талаб қилинар эди.
Ҳозирда лойиҳани амалга ошириш ишлари давом этмоқда ва қуйидаги функционал модуллар жорий этилмоқда: ташкилий менежмент, ходимларни бошқариш, вақт маълумотларини бошқариш, иш ҳақини ҳисоблаш. Режага кўра, SAP HCM тизимини жорий этиш ишлари тахминан 14 ой давом этади ва 2023 йил февралига қадар якунланади.
SAP HCM тизимини жорий этишдан қандай натижалар кутилмоқда?
- Самарали бизнес жараёнларни жорий этиш, замонавий рақамли платформа ва SAP компаниясининг энг яхши глобал амалиётларидан фойдаланиш.
- Бизнес эҳтиёжлари ва Ўзбекистон қонунчилигига мувофиқ услубий ва меъёрий ҳужжатларни ишлаб чиқиш ва қабул қилиш. Тизимда қонунчиликнинг барча талаблари ва нормаларига риоя этилишини назорат қилиш.
- Ходимларни бошқариш ва иш ҳақини ҳисоблаш тизимларини қўллаб-қувватлаш ва ривожлантириш харажатларини камайтириш.
- Ҳисоботларнинг сифатини ошириш ва компания томонидан HR хизматларининг ўз вақтида кўрсатилишини таъминлаш.
- Янги стандарт имкониятлар ва замонавий SAP S/4HANA воситаларидан фойдаланиш.
- Жараёнларни оптималлаштириш ва қўлда бажариладиган операциялар сонини кескин камайтириш орқали меҳнат унумдорлигини ошириш.
- Ягона маълумотлар базасини яратиш ва махфий маълумотлар хавфсизлигини кафолатлаш.
«Фарғона нефтни қайта ишлаш заводи» МЧЖ бизнес жараёнларини автоматлаштириш директор ўринбосари Наталя Алшаникова HCM модулининг жорий этилиши Фарғона нефтни қайта ишлаш заводини SAP S/4HANA экотизимига ўтказиш бўйича кенг кўламли лойиҳанинг таркибий қисмларидан бири эканини таъкидлади.
«Бугунги кунда мамлакатимизда «Рақамли Ўзбекистон 2030» стратегияси ҳаётга татбиқ этилмоқда ва корхонамиз ушбу стратегиянинг драйверларидан бири ҳисобланади. Фарғона нефтни қайта ишлаш заводи SЕG компаниясининг бир қисмига айлангандан сўнг, биз ривожланиш учун бизнесни рақамлаштириш векторини танладик. Чунки ушбу корхонада улкан салоҳиятни кўрмоқдамиз. Ходимлар ва иш ҳақини ҳисоблаш билан боғлиқ жараёнларни автоматлаштириш HR хизматининг жараёнларини сезиларли даражада оптималлаштиришга имкон беради ва натижада инсон ресурсларини улар энг кўп талаб қилинадиган кадрлар блокига йўналтириш имконини беради,– деди директор ўринбосари.
RISE with SAP билан рақамли трансформация – интеллектуал корхонага айланишнинг ақлли усули. Шу билан бирга, ФНҚИЗ тизим жорий этилишининг юқори сифатига ва интегратор ҳамкор сифатида LeverX Group компанияси танлангани туфайли кейинчалик ҳам қўллаб-қувватланишига ишонч билдирмоқда.
- Рақамли трансформация бўйича ўз тажрибамиз ва билимларимиз билан ўртоқлашиш имконига эга бўлганимиздан мамнунмиз. Компаниямиз билан бизнес ва ахборот технологияларини бирлаштириш орқали энг катта лойиҳаларни ҳам амалга ошира олиш ва бизнес мақсадларига эришишда мижозларимизга ҳар томонлама ёрдам беришга тайёрмиз, – дея хулоса қилади LeverX Group компаниясининг консалтинг бўйича директори Владимир Карелий.
Реклама ҳуқуқи асосида.
Изоҳ (0)