«Рома» ҳужумчиси Элдор Шомуродовга АПЛ клуби қизиқиш билдирмоқда.
Roma Press нашрининг хабар беришича, «Вулверҳэмптон» 27 ёшли ҳужумчини ўз сафига қўшиб олмоқчи.
«Рома» бош директори Тиагу Пинту клуб Шомуродовга қизиқиш билдираётган жамоаларга футболчини тўлиқ трансфер ёки сотиб олиш мажбурияти билан ижарага беришга тайёр эканлигини маълум қилган.
Ўзбекистонлик футболчи мавсумолди йиғинларда жамоа бош мураббийи Жозе Моуриньонинг ишончини оқламаган.
Аввалроқ, «Болонья» Элдорни 9 миллион евро эвазига харид қилиш ҳуқуқи билан ижарага олмоқчи эканлиги хабар қилинганди.
Шомуродов 2021 йилнинг ёзги трансфер ойнасида 18 миллион евро эвазига «Женоа»дан «Рома»га ўтганди. У «бўрилар»сафида жами 40 та ўйин ўтказиб, бешта гол ва олтита голли узатма амалга оширди.
Изоҳ (0)