Bugun,

  • USD 11014.01
  • RUB 191.8
  • EUR 10674.78

Xitoy Milliy ozodlik armiyasi rahbariyati askarlarni “urushga tayyorlanishga” chaqirdi, deb yozadi Tengrinews. Qisqa xabar XXRning 80-sonli umumqo‘shin armiyasi Weibo-akkauntiga joylashtirildi.

Foto: Facebook / Cathay.military

Foto: Facebook / Cathay.military

AQSH Vakillar palatasi spikeri Nensi Pelosining Tayvanga rejalashtirilgan tashrifi fonida ikkita iyeroglifdan iborat “Urushga tayyorlaning!” degan post 12 soat ichida 300 mingdan ortiq layk va 19 mingta izoh to‘pladi.

Postga yozilgan izohda Xitoy armiyasi vakillari aniqlik kiritishicha, u Xitoy Milliy ozodlik armiyasining 95 yilligiga bag‘ishlangan postdir.

Ijtimoiy tarmoq foydalanuvchilarining ko‘pchiligi da’vatni qo‘llab-quvvatlab izohlar qoldirgan. “Xitoy Milliy ozodlik armiyasi askarlari, kurashing! Biz sizni qo‘llab-quvvatlaymiz, yigitlar”, — deyiladi ulardan birida.

Xitoy armiyasi faxriylarining ba’zilari mamlakat ularga ehtiyoj sezsa, armiya tarkibiga qaytishga doim tayyorligini ma’lum qildi. Ayrim foydalanuvchilar esa Tayvan bo‘g‘ozining ikki tomoni tezroq birlashishini tiladi.

Nashr eslatishicha, avvalroq XXR raisi Si Szinpin AQSH prezidenti Jo Bayden bilan telefon suhbatida Xitoy ayirmachilikka va “Tayvan mustaqilligi”ga, shuningdek, tashqi kuchlarning har qanday aralashuviga qat’iyan qarshi chiqishini ma’lum qilgandi.

Xitoy va AQSH o‘rtasidagi keskin munosabatlar bir necha yildan buyon saqlanib qolmoqda. Chunonchi, Donald Tramp prezidentligi davrida Vashington, shu jumladan, Tayvan masalasi tufayli Pekinga sanksiyaviy bosimni kuchaytirgandi. Tayvan atrofidagi vaziyat so‘nggi vaqtlarda AQSH vakillar palatasi spikeri Nensi Pelosining yaqin orada orolga tashrif buyurish rejasi sababli keskinlashdi.

Xitoy AQSH rahbariyatini bir necha marta tashrifdan voz kechishga chaqirib, “yagona Xitoy” siyosatiga sodiqlik AQSH zimmasiga yuklaydigan majburiyatlar haqida eslatdi.

Agar Pelosining tashrifi amalga oshsa, u 25 yil ichida Tayvanga tashrif buyurgan birinchi AQSH kongressi palatasi spikeriga aylanadi.

Shu bilan birga, AQSH prezidenti harbiylar ushbu tashabbusni maqbul deb hisoblamasligini aytdi. CNN ma’lumotlariga ko‘ra, Oq uy Xitoy Pelosining tashrifini chippakka chiqarish uchun Tayvan havo hududini parvozdan tashqari zona deb e’lon qilishidan xavotirda. Shuningdek, Pekin orolga qiruvchi samolyotlarni yo‘naltirishi, bu esa Taybey va Vashingtonning javob choralariga sabab bo‘lishi mumkin.

XXR Tashqi ishlar vazirligi Pelosining ehtimoliy tashrifiga “jiddiy tayyorgarlik” ko‘rayotganini ma’lum qildi.

Tayvan Xitoydan ajralib chiqqani haqida 1949-yilda, fuqarolar urushi davrida e’lon qilgan. Pekin orolning mustaqilligini tan olmaydi va uni o‘z provinsiyasi deb hisoblaydi. AQSH orolda e’lon qilingan Xitoy respublikasi bilan diplomatik aloqalar o‘rnatmagan bo‘lsa-da, 1979-yildan buyon amal qilib keluvchi qonunga ko‘ra, mintaqaga o‘zini himoyalash uchun qurol yetkazib bera oladi.

Izoh
Asosiy yangiliklar
Mahalliy
O‘zbekistonda noqonuniy yer oldi-sotdisi bo‘yicha rekord yangilanmoqda
Mahalliy
Namanganda Cobalt traktor tirkamasiga borib urilishidan ikki kishi halok bo‘ldi
Mahalliy
Ozarbayjon aviakompaniyasi Bokudan Samarqandga to‘g‘ridan to‘g‘ri reyslarni yo‘lga qo‘yadi