Surxondaryo viloyati Sariosiyo tumanida yashovchi 66 yoshli M.A. o‘z qarindoshini o‘ldirish uchun 50 million so‘m evaziga qotil yolladi.
Qayd etilishicha, fuqaro bu ishni amalga oshirish uchun termizlik A.B.ga murojaat qilgan.
DXX Surxondaryo viloyati bo‘yicha boshqarmasi, viloyat IIB hamda viloyat prokuratura tezkor xodimlari hamkorligida 24-iyul kuni Denov tumanida o‘tkazilgan tezkor tadbirda M.A. oldindan kelishilgan puldan 1,8 million so‘mni killerga berayotgan vaqtda jinoyat ustida qo‘lga olindi.
Hozirda M.A.ga nisbatan jinoyat kodeksining 97-moddasi (qasddan odam o‘ldirish) 1-qismi bilan jinoiy ish qo‘zg‘atilib, qamoqqa olish tarzidagi ehtiyot chorasi qo‘llanildi. Holat bo‘yicha tergov harakatlari olib borilmoqda.
Izoh (0)