O‘zbekiston va Isroil o‘rtasida mehnat migratsiyasi sohasidagi hamkorlikni kengaytirish maqsadida shu kunlarda ushbu davlatda bo‘lib turgan O‘zbekiston hukumati delegatsiyasi a’zolari Isroilning migratsiya bo‘yicha vakolatli organlari bilan uchrashuvlar o‘tkazmoqda.
Uchrashuvlarda Isroilda vaqtincha mehnat faoliyatini amalga oshirayotgan O‘zbekiston fuqarolarining huquq va manfaatlarini himoya qilish masalalari hamda mehnat migratsiyasi sohasida hamkorlikni yanada rivojlantirish istiqbollari muhokama qilindi.
Tashrif doirasida Isroil hukumati bilan O‘zbekiston hukumati o‘rtasida Isroil davlatining mehnat bozoridagi maxsus sektorlarda o‘zbekistonlik ishchilarni vaqtinchalik ish bilan ta’minlash to‘g‘risida bitim imzolandi.
Shuningdek, Tashqi mehnat migratsiyasi agentligi va Isroil IIVning Aholi va immigratsiya boshqarmasi o‘rtasida Isroil hukumati va O‘zbekiston hukumati o‘rtasida Isroilning mehnat bozoridagi maxsus sektorlarda o‘zbekistonlik ishchilarni vaqtinchalik ish bilan ta’minlash to‘g‘risidagi bitimni “Uyda parvarishlash sohasida” amalga oshirish bayonnomasi imzolandi.
Ushbu hujjatlar O‘zbekiston fuqarolarini Isroilga tashkiliy ravishda qonuniy ishga jalb qilishni ta’minlashga xizmat qiladi.
Izoh (0)