Rossiyaning Vladimir shahridagi kolbasa sexida ishlayotgan fuqaro T.N. baxtsiz hodisa tufayli og‘ir tan jarohati olgan va O‘zbekistonga qaytarilgan.
Ushbu masala bo‘yicha Tashqi mehnat migratsiyasi agentligining Moskva shahridagi vakolatxonasi negizidagi Mehnat migrantlarining murojaatlari bilan ishlash va ularga huquqiy ko‘maklashish markazi vakillari ish beruvchi tashkilot rahbariyati bilan muzokaralar o‘tkazdi.
Olib borilgan muzokaralar natijasida masala sudgacha tomonlar o‘rtasida kelishuv bilan yakunlanib, fuqaro T.N.ga 300 ming rubl miqdorida kompensatsiya undirib berilishi ta’minlandi.
Izoh (0)