“Afrosiyob” yuqori tezlikda harakatlanuvchi poyezdlarni onlayn tarzda GPS orqali qaysi bekatdan soat nechada harakatlangani va yakuniy bekatga soat nechada yetib borganini ko‘rib, kuzatib, monitoring qilib borish imkoniyati yaratildi.
Buning uchun “O‘zbekiston temir yo‘llari” rasmiy saytidagi Online Afrosiyob bo‘limiga kirish kerak bo‘ladi.
Ma’lumot uchun, 2019-yilning iyun oyida “O‘zbekiston temir yo‘llari” AJ Ispaniyaning Patentes Talgo S.L.U. kompaniyasi bilan Talgo-250 seriyali ikkita tezyurar elektropoyezd sotib olish uchun shartnoma imzolangan. Kelishuvlarga ko‘ra, 2021-yil oktabr oyigacha “O‘zbekiston temir yo‘llari” AJ lokomotiv parkini ikkita tezyurar “Afrosiyob” elektropoyezdi bilan to‘ldirish kerak edi. Ispaniyaning Patentes Talgo S.L.U. kompaniyasi o‘z majburiyatlarini to‘liq va o‘z vaqtida bajargan. 1-oktabr kuni Toshkent markaziy temiryo‘l vokzalida “Afrosiyob” poyezdining so‘nggi tarkibining kelishi tantanali ravishda kutib olingan edi.
Izoh (0)