AOKAda o‘tkazilgan brifingda Davlat bojxona qo‘mitasi axborot xizmati rahbari Husan Tangriyev bojxona organlarining 2022-yil 1-yarim yillikdagi faoliyati haqida ma’lumot berdi.
Qayd etilishicha, davlat budjetiga 21,5 trillion so‘m bojxona to‘lovlari undirilgan. Tushumlar 6,4 trillion so‘mga yoki 43 foizga oshgan.
Bojxona imtiyozlari 23,5 trillion so‘mni tashkil etgan. Aylanma mablag‘ sifatida 12,1 mingta xo‘jalik subyektlari ixtiyorida qoldirilgan. Imtiyozlar 10,2 trillion so‘mga yoki 77 foizga ortgan.
Xavflarni boshqarish va yashirin iqtisodiyotga qarshi kurashish yo‘nalishida qo‘shimcha undirilgan to‘lovlar 2 barobarga ortib, 889 milliard so‘mni tashkil etdi (2021-yilning mos davrida 456 milliard so‘m).
Izoh (0)