Namanganda 457 mln so‘mlik sifatsiz dori vositalari yo‘q qilindi

Namanganda 457 million so‘mlik sifatsiz dori vositalari yo‘q qilindi. Bu haqda “Daryo” muxbiri Azizbek Abduvaliyev xabar bermoqda.

Tadbir Namangan shahridagi tibbiy chiqindilarni utilizatsiya qilish manzilida bo‘lib o‘tdi. Unda davlat ijrochilari, Sanitariya-epidemiologik osoyishtalik va jamoat salomatligi xizmati, viloyat bojxona hamda ekologiya va atrof muhitni muhofaza qilish boshqarmasi xodimlari ishtirok etdi.

“Tadbir davomida viloyat bojxona boshqarmasi tomonidan aniqlangan hamda jinoiy va ma’muriy ishlar doirasida daliliy ashyo sifatida olingan 83 turdagi sifatsiz dori vositalari yo‘q qilindi. Dori vositalari yoqib yuborilgan bo‘lsa, shisha flakondagi ukollar sindirilib, yaroqsiz holatga keltirildi”, — deydi viloyat bojxona boshqarmasi axborot xizmati rahbari Rasulxon Rahmatxonov.

Mavzuga doir:

• Surxondaryoda 337 mln so‘mlik iste’molga yaroqsiz dori vositalari yo‘q qilindi
• Namanganda noqonuniy ravishda dori ishlab chiqarayotgan yashirin korxona aniqlandi