Toshkent viloyatidan M.M. 2021-yilning iyul oyida Rossiyaning Vladivostok shahriga vaqtinchalik mehnat faoliyatini amalga oshirish uchun boradi. Oradan bir yil o‘tib, ish vaqtida yiqiladi va salomatligini yo‘qotadi.
54 yoshli ayol O‘zbekistonning Vladivostok shahridagi Bosh konsulxonasiga murojaat qilib, salomatligi yomonlashgani va moliyaviy qiyin ahvolga tushib qolgani sababli O‘zbekistonga qaytishda yordam so‘raydi.
Fuqaroga yordam ko‘rsatilib, Xorijda mehnat faoliyatini amalga oshiruvchi fuqarolarni qo‘llab-quvvatlash hamda ularning huquq va manfaatlarini himoya qilish jamg‘armasi mablag‘lari evaziga O‘zbekistonga qaytarildi.
Izoh (0)