Наманганда 457 миллион сўмлик сифатсиз дори воситалари йўқ қилинди. Бу ҳақда «Дарё» мухбири Азизбек Абдувалиев хабар бермоқда.
Тадбир Наманган шаҳридаги тиббий чиқиндиларни утилизация қилиш манзилида бўлиб ўтди. Унда давлат ижрочилари, Санитария-эпидемиологик осойишталик ва жамоат саломатлиги хизмати, вилоят божхона ҳамда экология ва атроф муҳитни муҳофаза қилиш бошқармаси ходимлари иштирок этди.
«Тадбир давомида вилоят божхона бошқармаси томонидан аниқланган ҳамда жиноий ва маъмурий ишлар доирасида далилий ашё сифатида олинган 83 турдаги сифатсиз дори воситалари йўқ қилинди. Дори воситалари ёқиб юборилган бўлса, шиша флакондаги уколлар синдирилиб, яроқсиз ҳолатга келтирилди», — дейди вилоят божхона бошқармаси ахборот хизмати раҳбари Расулхон Раҳматхонов.
Мавзуга доир:
Изоҳ (0)