Luis Suares Urugvayning “Nasional Montevideo” klubiga o‘tayotganini tasdiqladi.
35 yoshli hujumchi videomurojaat orqali klub bilan kelishuvga erishganini ma’lum qildi.
Shu tariqa Suares professional futboldagi faoliyatini boshlagan jamoasiga qaytmoqda. Luis 2005/06-yilgi mavsuma Urugvay klubida debyut mavsumini o‘tkazgan.
Shundan so‘ng Suares “Groningen”, “Ayaks”, “Liverpul”, “Barselona” va “Atletiko” kabi jamoalar sharafini himoya qilgan.
Urugvaylik futbolchi Ispaniyaning 5 karra chempioni (4 marta “Barselona” bilan, bir marta “Atletiko” bilan), Chempionlar Ligasi sohibi hisoblanadi. Urugvay terma jamoasi bilan birgalikda 2011-yilda Amerika Kubogida g‘alaba qozongan.
2021/22-yilgi mavsumda Luis Ispaniya chempionatida 35 o‘yinda 11 ta gol muallifiga aylangan.
Izoh (0)