Луис Суарес Уругвайнинг «Насионал Монтевидео» клубига ўтаётганини тасдиқлади.
35 ёшли ҳужумчи видеомурожаат орқали клуб билан келишувга эришганини маълум қилди.
Шу тариқа Суарес профессионал футболдаги фаолиятини бошлаган жамоасига қайтмоқда. Луис 2005/06 йилги мавсума Уругвай клубида дебют мавсумини ўтказган.
Шундан сўнг Суарес «Гронинген», «Аякс», «Ливерпуль», «Барселона» ва «Атлетико» каби жамоалар шарафини ҳимоя қилган.
Уругвайлик футболчи Испаниянинг 5 карра чемпиони (4 марта «Барселона» билан, бир марта «Атлетико» билан), Чемпионлар Лигаси соҳиби ҳисобланади. Уругвай терма жамоаси билан биргаликда 2011 йилда Америка Кубогида ғалаба қозонган.
2021/22 йилги мавсумда Луис Испания чемпионатида 35 ўйинда 11 та гол муаллифига айланган.
Изоҳ (0)