Farg‘ona shahrida qo‘shmachilik qilib, mijozlardan 1 million so‘m pul olgan 28 yoshli yigit ushlandi. Bu haqda Ichki ishlar vazirligi axborot xizmati xabar berdi.
Qayd etilishicha, Farg‘ona shahri Moturidiy ko‘chasida tezkor reyd tadbirlari o‘tkazilgan. Unda 28 yoshli yigit ijaradagi uyida qo‘shmachilik faoliyatini olib borayotgani aniqlangan. U mijozlardan 1 million so‘m olishga kelishgan va pullarni olayotgan paytda xodimlar tomonidan qo‘lga olingan.
Hozirda holat yuzasidan tegishli hujjatlarni rasmiylashtirilib, tergovga qadar tekshiruv harakatlari olib borilmoqda.
Izoh (0)