“Barselona” Robert Levandovski 9-raqamda o‘ynashini xohlaydi.
Diario Sport xabariga ko‘ra, kataloniyaliklar Robertga hozirda Memfis Depay tomonidan band qilingan 9-raqamdan boshqa raqamni bermaydi. Katalonlar polshalik hujumchiga bu raqamni va’da qilgan.
Niderlandiyalik hujumchi jamoani tark etishi kerakligini biladi. Rahbariyat Levandovski, Rafinyaning jamoaga kelishi, Usmon Dembele bilan shartnomani uzaytirgani, hujum chizig‘ida futbolchilar ko‘payib ketgani tufayli Memfis Depay va Martin Breytueyt bilan xayrlashishga qaror qilgan.
Ma’lumot uchun, Levandovski “ko‘k-anorranglilar” bilan 2025-yilga qadar mo‘ljallangan shartnoma imzoladi. 33 yoshli hujumchi soliqlardan tashqari yiliga 9 million yevro maosh oladi.
Avvalroq Depayga “Inter” va “Yuventus” qiziqish bildirayotgani xabar qilingandi.
Izoh (0)