Toshkent viloyati Zangiota tumanidagi Eshonguzar qo‘rg‘onida joylashgan transformatorda yong‘in sodir bo‘lgani haqida xabar berilgandi. “Hududiy elektr tarmoqlari” holat bo‘yicha qo‘shimcha ma’lumot berdi.
Ma’lum bo‘lishicha, 26-iyul kuni soat 16:05 da yuqoridagi manzilda joylashgan transformatorlarning birida yong‘in kelib chiqqan. Soat 16:13 ga qadar yong‘in to‘liq bartaraf etilgan. Hozirda yong‘in sabablari o‘rganilmoqda.
Qayd etilishicha, Zangiota TETK tasarrufidagi 35/6 kV N/S “Eshonguzar”dan chiquvchi 6 kVli fider “Nazarbek” havo tarmog‘i orqali ta’minlangan mazkur 160 kVAli transformator punkti bozor hududida faoliyat olib borayotgan tadbirkorlik subyekti – “Abroziy biznes” MCHJ korxonasi balansida bo‘lib, ushbu transformator punktiga xizmat ko‘rsatish va xavfsizligi uchun javobgarlik ham aynan tadbirkor zimmasida hisoblanadi.
Izoh (0)