Qoraqalpog‘istonlik 120 nafar o‘quvchi yozgi ta’tilda Namanganga keldi

Qoraqalpog‘istonlik o‘quvchilarning bir guruhi yozgi ta’tilni ko‘ngilli o‘tkazish uchun Namanganga keldi. Bu haqda “Daryo” muxbiri Azizbek Abduvaliyev xabar bermoqda.

Qorao‘zak va To‘rtko‘l tumanlaridan kelgan 120 nafar o‘g‘il-qiz Kosonsoy tumanidagi “Sohil” bolalar oromgohiga joylashtirildi. Ular bu yerda 4-avgustga qadar bo‘ladi.

“Oromgohda qoraqalpog‘istonlik bolalar yozgi ta’tilni mazmunli va maroqli o‘tkazishi uchun barcha sharoitlar yaratilgan. Bu yerda ikki hafta mobaynida ko‘ngilochar tadbirlar, sport musobaqalari va sayyohatlar o‘tkazilishi ko‘zda tutilgan”, — deydi Kosonsoy tuman hokimligi axborot xizmati rahbari Rustamxon Temirov.

Ma’lumot uchun, Namangan viloyati Qoraqalpog‘istonning Qorao‘zak tumanini otaliqqa olgan bo‘lib, bu yerda viloyat shtabi tashkil etilgan.

Mavzuga doir: “Shu kungacha ayrilmaganmiz, bundan keyin ham bir bo‘laylik”. Namangandagi qoraqalpoqlar va ularning avlodlari yashaydigan mahalladan reportaj