Қорақалпоғистонлик ўқувчиларнинг бир гуруҳи ёзги таътилни кўнгилли ўтказиш учун Наманганга келди. Бу ҳақда «Дарё» мухбири Азизбек Абдувалиев хабар бермоқда.
Қораўзак ва Тўрткўл туманларидан келган 120 нафар ўғил-қиз Косонсой туманидаги «Соҳил» болалар оромгоҳига жойлаштирилди. Улар бу ерда 4 августга қадар бўлади.
«Оромгоҳда қорақалпоғистонлик болалар ёзги таътилни мазмунли ва мароқли ўтказиши учун барча шароитлар яратилган. Бу ерда икки ҳафта мобайнида кўнгилочар тадбирлар, спорт мусобақалари ва сайёҳатлар ўтказилиши кўзда тутилган», — дейди Косонсой туман ҳокимлиги ахборот хизмати раҳбари Рустамхон Темиров.
Маълумот учун, Наманган вилояти Қорақалпоғистоннинг Қораўзак туманини оталиққа олган бўлиб, бу ерда вилоят штаби ташкил этилган.
Изоҳ (0)