Sirdaryo tumanida 62 yoshli fuqaro uyining tomorqasida ko‘knori yetishtirgani aniqlandi. Bu haqda viloyat ichki ishlar boshqarmasi axborot xizmati xabar berdi.
Tuman IIB xodimlari tomonidan olib borilgan tezkor tadbirlar davomida 1960-yilda tug‘ilgan, Sirdaryo tumanida yashovchi M.E.ning yashash uyi tomorqasi ko‘zdan kechirilgan.
Unda tomorqada joylashgan issiqxonaning orqa tomonida o‘tlar orasida 41 tup, bo‘yi taxminan 20-25 santimetr uzunlikda bo‘lgan ko‘knori giyohvandlik o‘simliklari ekib, parvarishlab kelayotgani aniqlanib, o‘simliklar daliliy ashyo sifatida olingan.
Holat yuzasidan Jinoyat kodeksining 270-moddasi (taqiqlangan ekinlarni yetishtirish) bilan jinoyat ishi qo‘zg‘atish choralari ko‘rilmoqda.
Izoh (0)