Rossiyaning Saratov viloyatida O‘zbekiston fuqarolarining haq-huquqi tiklanib, 200 ming rubl ish haqi undirib berildi. Bu haqda Tashqi mehnat migratsiyasi agentligi axborot xizmati xabar qildi.
Unga ko‘ra, viloyatdagi “Meliorator” korxonasida vaqtinchalik mehnat faoliyatini amalga oshirayotganlar — G‘.S. va uning turmush o‘rtog‘i U.G. ish beruvchi oylik ish haqini bermayotganini aytib murojaat qilgan.
Tashqi mehnat migratsiyasi agentligining Samara shahridagi vakolatxonasi xodimlari qishloq xo‘jaligi mahsulotlari yetishtirishga ixtisoslashgan mazkur korxonaga borib, vaziyatni o‘rganganida korxona rahbari ularni pasport va ikki oylik ish haqlarini bermasdan ishlatayotgani ma’lum bo‘ldi.
Muzokaralar natijasida mehnat migrantlarining pasport va 200 ming rubl oylik ish haqlari olib berildi. Ish beruvchi Rossiyaning tegishli huquqiy-me’yoriy hujjatlari bo‘yicha javobgarlikka tortilishi haqida ogohlantirildi.
Izoh (0)