Андижон вилояти Марҳамат туманида масъул ходимлар суюлтирилган газ баллонларини талон-торож қилди. Бу ҳақда Иқтисодий жиноятларга қарши курашиш департаменти хабар берди.
Бош прокуратура ҳузуридаги департаментнинг Марҳамат тумани бўлими томонидан фуқароларнинг ҳуқуқ ва манфаатларини ҳимоя қилиш юзасидан терговга қадар текширув ўтказилган. Унда «Марҳаматтумангаз» газ таъминоти бўлими моддий жавобгар шахслари томонидан филиал балансида бўлган, фуқароларнинг эҳтиёжлари учун фойдаланиладиган жами 303 дона 163,8 миллион сўмлик суюлтирилган газ баллонлари ўзлаштириш йўли билан талон-торож қилингани аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)