Qamchiq dovonida MAN yuk mashinasi Damas’ga urilib, yong‘in chiqdi. Vafot etganlar bor. Bu haqda “Daryo” muxbiri xabar berdi.
Namangan viloyat IIB axborot xizmatining aniqlashtirishicha, 21-iyul kuni soat 00:05 larda A373 Toshkent—O‘sh avtomobil yo‘lining 222-kilometrida Farg‘ona vodiysi va Toshkent yo‘nalishida harakatlanib borayotgan davlat raqami 40 Q 486 XA tirkama raqami 40 AA 7422 bo‘lgan MAN rusumli yonilg‘i tashuvchi yuk avtomashinasi qarama-qarshi yo‘nalishga o‘tib ketib, davlat raqami 40 Q 943 WA bo‘lgan Damas avtomashinasiga urilgan. Oqibatda hodisa joyida yong‘in yuzaga kelib, transport vositalari yonib zararlangan.
Yong‘in sodir bo‘lgan hududda Nexia avtomashinasiga ham texnik shikast yetgan. Yong‘in oqibatida vafot etganlar bor. Hodisa joyida yong‘in asoratlari va tirbandlikni bartaraf etish bo‘yicha ishlar olib borilmoqda.
Izoh (0)