Қамчиқ довонида MAN юк машинаси Damas’га урилиб, ёнғин чиқди. Вафот этганлар бор. Бу ҳақда «Дарё» мухбири хабар берди.
Наманган вилоят ИИБ ахборот хизматининг аниқлаштиришича, 21 июль куни соат 00:05 ларда А373 Тошкент—Ўш автомобиль йўлининг 222-километрида Фарғона водийси ва Тошкент йўналишида ҳаракатланиб бораётган давлат рақами 40 Q 486 XA тиркама рақами 40 АА 7422 бўлган MAN русумли ёнилғи ташувчи юк автомашинаси қарама-қарши йўналишга ўтиб кетиб, давлат рақами 40 Q 943 WA бўлган Damas автомашинасига урилган. Оқибатда ҳодиса жойида ёнғин юзага келиб, транспорт воситалари ёниб зарарланган.
Ёнғин содир бўлган ҳудудда Nexia автомашинасига ҳам техник шикаст етган. Ёнғин оқибатида вафот этганлар бор. Ҳодиса жойида ёнғин асоратлари ва тирбандликни бартараф этиш бўйича ишлар олиб борилмоқда.
Мавзуга доир: Хоразмда Lacetti ва иккита Cobalt пойга уюштирди (видео)
Изоҳ (0)