Shavkat Mirziyoyev “Qoraqalpog‘iston Respublikasi hududida favqulodda holatning amal qilishini tugatish to‘g‘risida”gi farmonni imzoladi. Hujjat matni Prezident matbuot xizmatida e’lon qilindi.
Qoraqalpog‘iston Respublikasi Jo‘qorg‘i Kengesining favqulodda holatning amal qilishini muddatidan avval tugatish to‘g‘risidagi murojaatini hamda Qoraqalpog‘iston Respublikasi hududida jamoat tartibi tiklanganini va ko‘rilgan choralar natijasida fuqarolarning xavfsizligi, ularning huquq va erkinliklari himoyasi ta’minlanganini inobatga olib, shuningdek, O‘zbekiston Respublikasining “Favqulodda holat to‘g‘risida”gi Konstitutsiyaviy qonunining 11-moddasiga muvofiq:
- Qoraqalpog‘istonda hududida joriy etilgan favqulodda holatning amal qilishi 21-iyul kuni soat 05:00 dan boshlab muddatidan avval tugatiladi;
- farmon 21-iyul kuni soat 05:00 dan e’tiboran kuchga kiradi va ommaviy axborot vositalarida darhol e’lon qilinishi shart;
- farmon O‘zbekiston Respublikasining Oliy Majlisi palatalariga tasdiqlash uchun yuboriladi.
Izoh (0)