Magnus Karlsen rossiyalik Yan Nepomnyashiyga qarshi shaxmat toji uchun o‘yin o‘tkazishdan bosh tortdi

Shaxmat bo‘yicha amaldagi jahon chempioni Magnus Karlsen rossiyalik Yan Nepomnyashiyga qarshi shaxmat toji uchun kechadigan o‘yindan bosh tortdi.

Avvalroq Nepomnyashiy Madriddagi nomzodlar turnirida g‘olib chiqqan va jahon chempionligi uchun o‘ynash huquqini qo‘lga kiritgandi.

Karlsen agar fransuz Alirizo Firuja nomzodlar musobaqasida g‘olib chiqmasa, chempionlik unvonini himoya qilishgan bosh tortishi mumkinligi haqida gapirgan edi.

Ammo shaxmatchi Yanga qarshi o‘ynamasligi sababini quyidagicha izohladi: “Jamoadagilar, FIDE va Yan bilan suhbatlashdim. Sabab oddiy, yana bitta o‘yin o‘ynashga motivatsiyam yo‘q. Bundan ko‘p narsa olmayman. O‘yin juda qiziqarli o‘tishi kutilsa-da, bu menga yoqmayapti. Shunchaki ishtiyoq yo‘q”.

Endi reglamentga ko‘ra, Nepomnyashiy Madridda ikkinchi o‘rindagi shaxmatchi bilan o‘ynashi kerak. Shu tariqa xitoylik Din Lijen Yanning raqibiga aylandi.