Ukraina Markaziy banki urush davridagi oltin zaxiralarining 12 milliard dollardan ortiq qismini sotdi. Bu haqda gubernator o‘rinbosariga tayanib, Reuters xabar bermoqda.
Biz oltinni importchilarimiz mamlakat uchun zarur bo‘lgan tovarlarni sotib olishi uchun sotmoqdamiz, — dedi gubernator o‘rinbosari Katerina Rojkova.
Uning aytishicha, oltin Ukraina valyutasi — grivnani mustahkamlash uchun sotilmaydi.
Ta’kidlanishicha, Ukrainaga oyiga 9 milliard dollar chet el yordami kerak.
Da’vo qilingan miqdor Ukrainaning urushgacha bo‘lgan oltin zaxiralaridan ancha yuqori.
Butunjahon oltin kengashi ma’lumotlariga ko‘ra, 2022-yilning birinchi choragida Ukrainaning oltin zaxiralari 27,06 tonnani tashkil etgan. Bu esa 1,69 milliard dollarga teng.
Urush boshlanganidan beri mamlakat sotgan 12,4 milliard dollarlik oltin zaxirasi 491 tonnaga teng yoki birinchi chorakdagi oltin zaxirasidan 18 baravar ko‘p.
Ukraina oltin zaxiralarining eng so‘nggi hisob-kitoblariga ko‘ra, may oyida mamlakat umumiy oltin zaxiralari 1,6 milliard dollarni tashkil qilgan.
2012-yil sentabr oyida mamlakatda eng ko‘p oltin zaxirasi 1,9 milliard dollar bo‘lgan.
Izoh (0)