Xitoy bu yil suyultirilgan gaz (LNG) importining rekord darajada pasayishini kutmoqda. Bu haqda Bloomberg xabar berdi.
Bu esa Yaponiyani yoqilg‘ining dunyodagi eng yirik xaridori sifatida birinchi o‘ringa qaytaradi.
2022-yilda import 14 foizga kamayib, 69 million tonnaga yetishi kutilmoqda, bu Xitoy uchun 2006-yildan buyon ikkinchi marta pasayishdir.
Importning qisqarish sabablari ko‘p va xilma-xil: sekinlashgan iqtisodiyot, xalqaro narxlarning ko‘tarilishi, odatdagidan ko‘ra qishning issiq kelishi va qayta tiklanadigan energiyadan foydalanishning o‘sishi.
Ammo bunga iqtisodiy pasayish va virus bilan bog‘liq faoliyatning cheklanishi eng katta sabab bo‘ladi, — deyiladi Capital Economics’da.
Unga ko‘ra, bular Xitoyning turli xil tovarlarga bo‘lgan talabini to‘xtatuvchi asosiy omillar bo‘lib, xom neft, ko‘mir va temir rudalari importining pasayishiga tabiiy gaz ham qo‘shilishi mumkin.
Avvalroq may oyida Xitoyning Rossiyadan neft importi rekord darajada oshgani haqida xabar berilgandi.
Izoh (0)