Qora kun uchun zaxira: mayda Yevropa Rossiya ko‘miri importini 80 foizga oshirdi

May oyida Yevropa dengiz orqali Rossiya ko‘mirini sotib olishni keskin ravishda 4,7 mln tonnagacha oshirdi. Bu haqda “Kommersant” xabar berdi.

Polshaning Rossiya xomashyosidan voz kechishi tufayli temiryo‘l orqali yetkazib berish hajmi pasayib ketdi.

Dastlabki ma’lumotlarga ko‘ra, Yevropa Rossiya o‘rnini bosadigan boshqa yetkazib beruvchilarni qidirayotgani sababli iyun oyida importni jiddiy qisqartirgan.

Bu, o‘z navbatida, Turkiya va Hindistonga eksport hajmini oshiradi.

Mayda Yevropa Rossiya energiya manbalariga embargo e’lon qilingan aprel oyiga nisbatan mamlakat ko‘mirini sotib olishni 80 foizga oshirdi.

Yevrostatning so‘nggi ma’lumotlariga ko‘ra, may oyida Yevropa Ittifoqi 1,1 mlrd yevro qiymatidagi 4,7 mln tonna ko‘mir oldi, aprel oyida bu ko‘rsatkich 700 mln yevro — 2,6 mln tonnaga teng bo‘lgan.

Rasmiy ravishda embargo amaldagi shartnomalarni bajarish muddati tugashi bilan avgust oyida kuchga kiradi.

Ushbu ko‘mirning deyarli yarmini Niderlandiya sotib olgan — 2,2 mln tonna, aprel oyiga nisbatan to‘rt barobar ko‘p.

Ilgari Rossiya ko‘mirining asosiy importchisi bo‘lgan Polsha may oyida eng kam hajmdagi 19,2 ming tonna ko‘mir sotib olib, importni 95 foizga qisqartirdi.

Rossiyadan Yevropaga ko‘mir yetkazib berish logistikasi ham o‘zgarmoqda. May oyida temiryo‘l orqali yuk tashish atigi 54 ming tonnani tashkil etdi. Odatda bu ko‘rsatkich 600-800 ming tonnaga teng bo‘lar edi.

Avvalroq energiya inqirozi sabab butun dunyo yana ko‘mirga qaytayotgani haqida xabar berilgandi.