Bugun va dam olish kunlari O‘zbekiston hududi bo‘yicha haroratning asta-sekin ko‘tarilishi davom etadi, deb xabar bermoqda “O‘zgidromet”.
Markaz prognoziga ko‘ra, 15—16-iyul kunlari respublika bo‘yicha havo harorati 36-41 daraja atrofida, janubda va cho‘l hududlarda 42-43 darajagacha bo‘ladi. Yakshanba kuni issiqning oshib borishi davom etadi. Shu kuni ba’zi joylarda 40-43 darajagacha, janubda va cho‘l hududlarda ba‘zi joylarda 45 daraja issiqqacha ko‘tariladi.
Issiq havo kirib kelishi shamolning kuchayishi bilan qayd etiladi. Juma va shanba kunlari respublikaning shimoliy hududlarida, shuningdek Buxoro va Navoiy viloyatlarining cho‘l hududlarida, yakshanba kuni esa respublika bo‘yicha ba’zi joylarda shamol chang-to‘zonlar bilan 15-20 metr/sekundgacha kuchayishi kuzatiladi. 17-iyulda ayrim joylarda shamol 22-25 metr/sekundgacha kuchayishi mumkin.
Izoh (0)