O‘zbekistonlik o‘quvchilar Norvegiyaning Oslo shahrida 6—16-iyul kunlari o‘tkazilgan 63-Xalqaro matematika olimpiadasida ishtirok etdi. Xalq ta’limi vazirligi musobaqada qo‘lga kiritilgan natija haqida ma’lumot berdi.
Qayd etilishicha, dunyoning 104 ta davlatidan 589 nafar o‘quvchi qatnashgan mazkur Olimpiadada O‘zbekiston sharafini himoya qilgan Qorako‘l Xalqaro matematika maktabi o‘quvchisi Lazizbek Rajabboyev bronza medalini qo‘lga kiritgan.
Belgilangan tartibga ko‘ra, medal sohibi oliy ta’lim muassasasiga test sinovlarisiz, davlat granti asosida qabul qilinadi.
Bronza medali uchun o‘quvchi 60 million so‘m, uning o‘qituvchisi esa 45 million so‘m pul mukofoti bilan taqdirlanadi.
Izoh (0)