Qozog‘iston prezidenti hukumatga Rossiyada faoliyatini to‘xtatgan xorijlik tadbirkorlarni Qozog‘istonga ko‘chirish uchun qulay shart-sharoitlar tayyorlashni topshirdi. Bu haqda “Kommersant” xabar berdi.
Biz investitsiya kapitali uchun global kurashning guvohi bo‘lmoqdamiz. 1 400 ga yaqin yirik xorijiy kompaniyalar o‘z faoliyatini to‘xtatdi yoki Rossiya bozorini butunlay tark etdi. Hukumat ularning Qozog‘istonga ko‘chirilishi uchun qulay sharoit yaratishi kerak, — dedi To‘qayev.
Prezidentga ko‘ra, bu mamlakatga o‘rta va yuqori qayta ishlangan mahsulotlar ishlab chiqarishni ko‘paytirish uchun yaxshi imkoniyat.
Ukrainada urush boshlanganidan keyin xorijiy kompaniyalar Rossiya bozoridagi faoliyatini ommaviy ravishda to‘xtatmoqda.
Ularning aksariyati ketishga sabab sifatida sanksiyalar va savdo cheklovlarini keltirmoqda.
Rossiya sanoatchilar va tadbirkorlar ittifoqi Rossiyani tark etgan kompaniyalarning aniq sonini hisoblashning iloji yo‘qligini ta’kidladi.
Xorijiy ekspertlarning fikricha, Rossiyani 200 dan ortiq yirik kompaniyalar tark etgan.
Avvalroq Ukrainadagi urush O‘zbekiston va boshqa MDH mamlakatlarida iqtisodiy o‘sishni sekinlashtirgani haqida xabar berilgandi.
Izoh (0)