Қозоғистон президенти ҳукуматга Россияда фаолиятини тўхтатган хорижлик тадбиркорларни Қозоғистонга кўчириш учун қулай шарт-шароитлар тайёрлашни топширди. Бу ҳақда «Коммерсантъ» хабар берди.
Биз инвестиция капитали учун глобал курашнинг гувоҳи бўлмоқдамиз. 1 400 га яқин йирик хорижий компаниялар ўз фаолиятини тўхтатди ёки Россия бозорини бутунлай тарк этди. Ҳукумат уларнинг Қозоғистонга кўчирилиши учун қулай шароит яратиши керак, — деди Тўқаев.
Президентга кўра, бу мамлакатга ўрта ва юқори қайта ишланган маҳсулотлар ишлаб чиқаришни кўпайтириш учун яхши имконият.
Украинада уруш бошланганидан кейин хорижий компаниялар Россия бозоридаги фаолиятини оммавий равишда тўхтатмоқда.
Уларнинг аксарияти кетишга сабаб сифатида санкциялар ва савдо чекловларини келтирмоқда.
Россия саноатчилар ва тадбиркорлар иттифоқи Россияни тарк этган компанияларнинг аниқ сонини ҳисоблашнинг иложи йўқлигини таъкидлади.
Хорижий экспертларнинг фикрича, Россияни 200 дан ортиқ йирик компаниялар тарк этган.
Аввалроқ Украинадаги уруш Ўзбекистон ва бошқа МДҲ мамлакатларида иқтисодий ўсишни секинлаштиргани ҳақида хабар берилганди.
Изоҳ (0)