Toshkent shahar, Mirzo Ulug‘bek tumani, Qalandar ko‘chasidagi xonadon kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga fuqarolik ishlari bo‘yicha sud hukmi bilan Uchtepa tumani MIB tomonidan joylashtirilgan.
2017-yilda qurilgan 7 qavatli uyning 4-qavatida joylashgan kvartira 3 xonadan iborat.
Xonadonning umumiy maydoni — 111,8 kvadrat metr. Unda gaz, suv, elektr ta’minoti va kanalizatsiya tizimi mavjud.
Auksionga qo‘yilgan hovlining boshlang‘ich bahosi — 1,2 mlrd so‘m. Arizalar 4-avgust 09:00 ga qadar qabul qilinadi. Savdolar xuddi shu kuni 10:00 da boshlanadi.
Lot izohida yozilishicha, ko‘chmas mulk ichidagi mulk xatlovga tushmagan.
Avvalroq Toshkentdagi sobiq harbiy shaharcha binolari 20 mlrd so‘mga auksionga qo‘yilgani haqida xabar berilgandi.
Izoh (0)