Xorazm viloyatida joylashgan “Urganch sharob”ning 53,94 foiz davlat ulushi sotildi. Bu haqda UzAssets investitsiya kompaniyasining matbuot xizmati xabar berdi.
Korxonaning umumiy yer maydoni — 6,58 gektar. U “Parkent” va “Chalish” vino punktlarini o‘z ichiga oladi.
Shuningdek, yuqori sifatli vino ishlab chiqarish uchun 149,3 gektar uzumzorga ega.
Jamiyat tomonidan 52 turdagi tayyor aroq, 14 turdagi tayyor vino va ikki turdagi konyak mahsulotlari ishlab chiqariladi.
Korxonaning davlat ulushi Urganch shahrida joylashgan “Jayhun Ulgurgi” tomonidan 11,5 mlrd so‘mga sotib olingan.
“Jayhun Ulgurji” 2020-yil iyun oyida tashkil etilgan bo‘lib, spirtli ichimliklar ulgurji savdosi bilan shug‘ullanadi. Kompaniyaning yagona ta’sischisi — Sodiqov Baxrom G‘anijonovich.
Avvalroq auksionga qo‘yilgan yer boshlang‘ich narxidan 200 barobar qimmatga sotilgani haqida xabar berilgandi.
Izoh (0)