O‘zbekistonda tadbirkorlar kelgusi 12 oyda inflyatsiya 9-12 foiz atrofida bo‘lishini kutmoqda

Markaziy bank iyun oyi uchun tadbirkorlik subyektlarning inflyatsion kutilmalari sharhini taqdim qildi (pdf).

Inflyatsion kutilmalar — turli guruhlar bo‘yicha mos javobni belgilagan aholi sonining o‘sha javoblar o‘rtacha qiymatiga ko‘paytmalari yig‘indisini jami aholi soniga nisbati (o‘rtacha ko‘rsatkich).

Inflyatsion kutilmalarning mediana qiymati – kelgusidagi inflyatsiya bo‘yicha javoblar variatsion qatorini teng ikkiga bo‘luvchi qiymat

Joriy yilning iyun oyi yakunlari bo‘yicha kelgusi 12 oy uchun narxlar o‘sishi bo‘yicha biznes vakillarining inflyatsion kutilmalari o‘tgan oyga nisbatan 1,6 foizga kamayib, 15,7 foizni tashkil etgan bo‘lsa, mediana qiymati 13,3 foiz atrofida shakllandi.

Iyun oyida tadbirkorlarning ko‘pchiligi kelgusi 12 oyda inflyatsiyani 9-12 foiz atrofida bo‘lishini kutishmoqda.

Tadbirkorlar keyingi 12 oyda narxlar oshishiga ish haqi va nafaqalarning oshishi 29 foiz ta'sir qilishi mumkinligini aytishgan.

Yoqilg‘i mahsulotlari va transport xizmatlarining narxlari qimmatlashishi inflyatsiyaga 27 foiz ta’sir o‘tkazilishi kutilmoqda.

Bundan tashqari import qilinadigan xomashyo va butlovchi qismlar qimmatlashishi narxlar oshishiga 24 foiz  ta’sir etishi mumkinligi aytilgan.

Import qilinadigan xorijdan xomashyo yetkazib berishda uzilishlar bo‘lishini hamda bino va ijara to‘lovlarining oshishini kutayotgan tadbirkorlarning ulushi o‘tgan oyga nisbatan yuqorilagan.