Toshkent viloyati Zangiota tumanida 14 yoshli voyaga yetmagan qiz zo‘rlangani haqida xabar tarqaldi. Viloyat Ichki ishlar bosh boshqarmasi axborot xizmati rahbari holat bo‘yicha qo‘shimcha ma’lumot berdi.
Qayd etilishicha, holat yuzasidan fuqaro arizasiga asosan 8-iyul kuni Zangiota tumani IIB huzuridagi tergov bo‘limi tomonidan Jinoyat kodeksining 128-moddasi 1-qismi (o‘n olti yoshga to‘lmagan shaxs bilan jinsiy aloqa qilish) bilan jinoyat ishi qo‘zg‘atilgan. Hozirda sudga oid biologiya ekspertizasi tayinlangan. Tergov harakatlari olib borilmoqda.
“Shu o‘rinda ijtimoiy tarmoq faollari, blogerlar va jurnalistlardan bu kabi tergov harakatlari olib borilayotgan ish (mavzu)larni bir tomonlama yoritmasliklarini so‘rab, barchasi qonuniy yechim topmagunga qadar e’lon qilmaslikka chaqiramiz”, — deyiladi xabarda.
Ijtimoiy tarmoqda tarqalgan videomurojaatda aytilishicha, 14 yoshli qiz dugonasining 38 yoshli otasi tomonidan 8 oy davomida zo‘rlab kelingan. Agar kimgadir aytsa o‘ldirish bilan qo‘rqitgan.
Mavzuga doir:
- Qashqadaryoda maktab o‘quvchisi homilador ekani, uni to‘rt nafar fuqaro zo‘rlagani aytilmoqda
- Buxoroda kar va soqov qizni og‘iz-qo‘llarini skotchlab, zo‘rlagan shaxsga sud hukmi o‘qildi. U bundan oldin ham turli jinoyatlari uchun 9 marta sudlangan
- Andijonda otasi tomonidan muntazam zo‘rlab kelinganini aytgan qizning vajlari tasdiqlanmadi
Izoh (0)