Toshkent shahri Shayxontohur tumanida 5-iyul kuni elektrosamokat haydovchisi ariqqa tushib ketdi. Bu haqda shahar Ichki ishlar bosh boshqarmasi xabar qildi.
Qayd etilishicha, shu kuni taxminan soat 01:55 larda Shayxontohur tumani Qoratosh ko‘chasida fuqaro S.V. (1995-yilda tug‘ilgan) elektrosamokatda harakatlanib ketayotib, boshqaruvni yo‘qotgan va yo‘ldan chiqib, ariqqa tushib ketgan.
Hodisa oqibatida elektrosamokat haydovchisi og‘ir tan jarohatlari olib, kasalxonaga yotqizilgan. Tibbiyot xodimlari tomonidan ko‘rsatilgan muolajalarga qaramay, 11-iyul kuni vafot etgan.
Holat yuzasidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 2-qismida nazarda tutilgan jinoyat alomatlari bilan jinoyat ishi qo‘zg‘atilgan.
Izoh (0)