“O‘zgidromet” 14—17-iyul kunlari uchun kutilayotgan ob-havo prognozini e’lon qildi. Unga ko‘ra, kundan kunga harorat ko‘tarilib boradi.
Xususan, 17-iyulga borib vodiyda harorat 41 darajagacha ko‘tariladi. Boshqa hududlar, xususan, cho‘l va janub hududlarda 15-iyuldan boshlab haroratning 43 darajalik isishi kuzatiladi.
“O‘zgidromet” mutaxassisi Erkin Abdulahatovning ma’lum qilishicha, 17-iyuldan so‘ng kunlar yanada qizishi mumkin.
“Chunki shimol Rossiyada kelgusi besh kunlik uchun bu issiq va past bosimli sohani mintaqadan ‘surib haydab yuboradigan’ kuchga ega hech qanday sovuq antitsiklon oqimlari rivojlanishi uchun vaziyat mavjud emas. Bu mintaqamizdagi issiq havo to‘lqinini yanada kuchaytirib, termik depressiya jarayoniga aylanitirib yuborishini anglatadi”, — deya izoh bergan u.
Izoh (0)