Toshkentda Qurbon hayiti namozi o‘qilishi munosabati bilan bir qator ko‘chalar yopiladi

Qurbon hayiti bayrami munosabati bilan Toshkentda 9-iyul kuni ayrim ko‘chalar transport vositalari harakati uchun yopiladi.

Poytaxt hokimligi matbuot xizmati xabariga ko‘ra, shu kuni soat 00:00 dan soat 07:00 ga qadar quyidagi ko‘chalarda transport vositalari harakati to‘xtatiladi:

Olmazor tumani:

• “Hazrati imom” masjidi oldidagi Qorasaroy ko‘chasining Abdulla Qodiriy ko‘chasidan Nurafshon ko‘chasigacha bo‘lgan qismi.

•  “Novza” masjidi oldidagi Bunyodkor 2-darajali yo‘lining Muqimiy ko‘chasidan Baynalmilal ko‘chasigacha bo‘lgan qismi;
• “Shayx Muhammad Sodiq Muhammad Yusuf” masjidi oldidagi So‘galliota ko‘chasining Bunyodkor ko‘chasidan A.To‘qay ko‘chasigacha bo‘lgan qismi;

• “Xo‘ja Alambardor” masjidi oldidagi Kamolon ko‘chasining Bunyodkor ko‘chasidan Kattabog‘ 6-tor ko‘chasigacha bo‘lgan qismi;
• “Shayx Zayniddin” masjidi odidagi Ko‘kcha darboza ko‘chasining Nurafshon ko‘chasidan Beshqayrog‘och ko‘chasigacha bo‘lgan qismi.

• “Minor” masjidi oldidagi KXAY ko‘chasining Sh.Rashidov ko‘chasidan Ko‘rgazma ko‘chasigacha bo‘lgan qismi;
• “Mirza Yusuf” masjidi oldidagi Bog‘ishamol ko‘chasining A.Temur shohko‘chasidan Bodomzor yo‘li ko‘chasigacha bo‘lgan qismi.

• “Usmon bin Maz’un” masjidi oldidagi KXAY ko‘chasining Qushbegi ko‘chasidan Cho‘pon ota ko‘chasigacha bo‘lgan qismi.

• “Islom ota” masjidi oldidagi Farg‘ona yo‘li ko‘chasining Tolimarjon ko‘chasidan A.Fitrat ko‘chasigacha bo‘lgan qismi.

Eslatib o‘tamiz, Toshkentda Qurbon hayiti namozi ertalab soat 05:20 da o‘qiladi. Fuqarolarning masjidlarga kelib ketishi uchun maxsus avtobuslar tashkil etiladi. Shu kuni metropoliten ishi soat 04:00 dan boshlanadi.