Анхель ди Мария Туринга етиб келди. Аргентиналик футболчи «Ювентус» билан шартнома имзолайди

Ярим ҳимоячи Анхель ди Мария «Ювентус»га ўтади.

Турин жамоаси ўз Twitter саҳифасига аргентиналик футболчининг етиб келганини кўрсатувчи видеони жойлади.

Фабрисио Романинг хабар беришича, трансфернинг барча деталлари якунланган. Ди Мария шу ҳафта тиббий кўрикдан ўтади ва бир йиллик шартнома имзолайди.

34 ёшли футболчи «Ювентус» сафида йилига 6 миллион евро маош олади.

Ушбу ёзда «ПСЖ»ни эркин агент сифатида тарк этган ди Мария 2022 йилги Жаҳон Чемпионатида ўйнаш учун яна бир мавсум Европада ўтказишни ва кейин Аргентинага қайтишни режалаштирмоқда.

Маълумот учун, 34 ёшли футболчи 2021/22 йилги мавсумда барча мусобақалар доирасида 31 ўйин ўтказиб, 5 та гол ва 8 та голга ассистентлик қилди.