Германия Иқтисодиёт вазири Роберт Хабекнинг ушбу қишда мамлакатни барқарор энергия билан таъминлаш учун суюлтирилган газ (LNG) олиб келиш режаси барбод бўлиш арафасида. Бу ҳақда Билд хабар берди.
Бунинг сабаби хом ашёни ташиш учун зарур бўлган танкерларнинг етишмаслигидир.
Германия савдо флотида LNG’ни узоқ масофаларга ташиш учун зарур бўлган газ танкерлари етишмайди.
Ҳаммаси бўлиб бутун дунёда 500 га яқин LNG танкерлари мавжуд, аммо бошқа минтақаларда талаб кучлироқ, — деди Германия кема эгалари иттифоқи вакили Мартин Кроэгер.
Германия Иқтисодиёт вазирлигининг таъкидлашича, ҳозирча объектларга LNG етказиб берадиган танкерлар частотаси ва сонини аниқлашнинг иложи йўқ.
Христиан Демократик Иттифоқи вакили Торстен Фрейга кўра, Роберт Хабекнинг LNG стратегияси барбод бўлган. Бу қишда мамлакатни керакли газ билан таъминлашнинг иложи йўқ.
Шу туфайли у мамлакат газ омборларини тўлдириш учун барча имкониятларни ишга солишга чақирди.
Бундестагдаги Христиан ижтимоий иттифоқ ер гуруҳи раҳбари Александр Добриндт эса фуқароларга газнинг қатъий базавий нархини белгилаш учун янги нарх моделини шакллантириш зарурлигини таъкидлади.
Жорий йил охиригача Германияда суюлтирилган газ қабул қилиш учун иккита сузувчи терминал жиҳозланиши кутилмоқда.
Улардан бири Вилгелмшавенда (Қуйи Саксония), иккинчиси Брунсбюттелда (Шлезвиг-Голштейн) жойлашган.
Умуман олганда, Германия ҳукумати тўртта сузувчи LNG терминалидан фойдаланиш ниятида.
Халқаро энергетика агентлиги прогнозига кўра, 2025 йилга бориб Россиядан Европа Иттифоқига қувур орқали газ етказиб бериш ҳажми 55 фоизга қисқаради.
Аввалроқ Қатар Европани ўзининг суюлтирилган гази билан таъминлашга тайёрлиги ҳақида хабар берилганди.
Изоҳ (0)