Rossiya prezidenti Vladimir Putin general-polkovnik Aleksandr Lapin va general-mayor Esedulla Abachevga Rossiya Qahramoni unvonini berdi.
Putinning mamlakat mudofaa vaziri Sergey Shoygu bilan suhbatidan ma’lum bo‘lishicha, mukofot Rossiya kuchlari tomonidan Ukrainaning Lugansk viloyati ustidan nazorat o‘rnatilishi bilan bog‘liq.
Aleksandr Lapin — Markaziy harbiy okrug hamda “Markaz” qo‘shinlari guruhi qo‘mondoni. Guruh Lugansk viloyatini egallash bilan shug‘ullangan. Bahorda u o‘z o‘g‘liga jasorat va mardlik uchun mukofot topshirib, jurnalistlarning e’tiborini tortgan edi.
Esedulla Abachev, Putinning bayonotida, Janubiy harbiy okrugning 8-armiya qo‘mondoni o‘rinbosari etib tayinlangan, ammo turli norasmiy manbalar uni LXR xalq militsiyasining boshlig‘i deb atashadi.
Shoygu 3-iyul kuni Putinga “Lugansk xalq respublikasi to‘liq ozod qilingani” haqida hisobot berdi. Lugansk viloyati ma’murlari mintaqaning kichik hududida mudofaani saqlashda davom etayotganini aytdi.
Izoh (0)