AQSHning Illinoys shtati, Chikago shahriga qarashli Xaylend-Park shaharchasida Mustaqillik kuniga bag‘ishlab o‘tkazilgan paradda otishma tashkil qilishda gumonlanuvchi Leyk-Forest shahrida qo‘lga olindi, deb yozadi “RBK”.
CNN telekanali mahalliy hukumatga tayanib xabar berishicha, gap 22 yoshli Robert Krimo III haqida bormoqda. Gumonlanuvchi qochib ketgani tufayli, politsiya uni otishmadan keyin darhol tuta olmagan. Oxir-oqibat yigitni Shimoliy Chikago politsiyachilari ko‘rib qolgan va qo‘lga olgan.
Xaylend-Parkdagi otishma 4-iyul kuni ertalab yuz berdi. O‘qotar binolardan birining tomida bo‘lgan. Politsiya taxmin qilishicha, u tomga qo‘riqlanmayotgan tashqi zinalar orqali chiqib olgan. Otishma olib borilgan joydan politsiyachilar soyli miltiq (vintovka) topgan.
So‘nggi ma’lumotlarga qaraganda, otishma oqibatida olti kishi halok bo‘lib, qariyb 20 kishi jabrlangan. Reuters va NBC Chicago 26 nafar jabrlanuvchi haqida yozmoqda, ularning 25 nafari o‘qotar quroldan yaralangan.
AQSH prezidenti Jo Bayden voqeani izohlar ekan, “qurolli zo‘ravonlik epidemiyasi” qarshi kurashni tugatmoqchi emasligini aytib, mahalliy hukumatga yordam taklif qildi va federal huquq-tartibot organlaridan tekshiruvda yordam berishni so‘radi.
Izoh (0)