Belarus prezidenti Aleksandr Lukashenko mamlakatning Ukrainadagi urushda ishtirok etishga intilmayotganini, mazkur urush Minskga kerak emasligini ta’kidladi. Bu haqda Belta xabar qilgan.
“Bizni hali ham urushga tortishga urinish holatlari kuzatilmoqda. Bundan ko‘zlangan maqsad bir zarbda Rossiya hamda Belarus bilan hisob-kitob qilishdan iborat. Ular hodisadan xavotirga tushayotgandek taassurot qoldirib, Belarusning Ukrainaga shimoliy chegaralar orqali bostirib kirishini istamsliklari haqida gapirmoqda. Menimcha, ularni eshitmaslik kerak! Ular biz urushga qo‘shilsak bundan xursand bo‘lishlariga ishonchim komil”, – deya qayd etgan u.
Lukashenkoning so‘zlariga ko‘ra Ukraina tomoni Rossiya va Belarusni fashistlar qilib ko‘rsatishga intilmoqda.
“Yana bir marta bir yil va undan ham oldin gapirgan gapimni takrorlamoqchiman: Belarus Ukrainada urush olib borishga intilayotgani yo‘q”, – degan Lukashenko.
Shuningdek, Belarus prezidenti Ukrainadagi urush tufayli begunoh odamlar halok bo‘layotgani, minglab kishilar nogironga aylanayotgani haqida ham gapirdi.
“Bizga ushbu urush umuman kerak emas”, – deya qo‘shimcha qildi u.
Eslatib o‘tamiz, avvalroq Lukashenko Rossiyani yadro qurolini ishlatishga tayyor turishga chaqirgandi.
Shu bilan birga Aleksandr Lukashenko g‘arb davlatlarining Ukraina hududiga o‘z qo‘shinini olib kirishi mumkinligi, u yerdan Belarusga ham hujum qilish ehtimoli mavjudligini aytgan.
Izoh (0)