Toshkentdagi supermarketlarda rambutan, pitaxayya (pitayya), kumkvat va Avstraliyaning yirik mangosi joriy yoz mavsumining ekzotik yangiliklari sifatida paydo bo‘ldi. Ular mamlakat poytaxtida joylashgan 6-8 ta supermarketda iste’molchilarga taklif qilinmoqda. Bu haqda EastFruit mutaxassislari xabar berdi.
2022-yilning 28-iyun kuni Makro supermarketlar tarmog‘i joriy mavsumda meva-sabzavotlarning yozgi assortimentini rambutan, pitaxayya (pitayya), Avstraliyaning yirik mangosi va kumkvat (xitoy mandarini) kabi ekzotik mahsulotlar bilan to‘ldirganini ma’lum qildi.
- rambutan – 100 gramm uchun 48 999 so‘m, ya’ni 489 990 so‘m/kg;
- pitaxayya (pitayya) – 100 gramm uchun 29 799 so‘m, ya’ni, 297 990 so‘m/kg;
- Avstraliyaning yirik mangosi – bir dona uchun 24 990 so‘m;
- kumkvat – 100 gramm uchun 22 399 so‘m, ya’ni 223 990 so‘m/kg.
EastFruit ekspertlarining qayd etishicha, o‘zbekistonlik iste’molchilar ushbu mahsulotlarning ayrimlari bilan tanish.
2019-yilning dekabr oyi oxirida “Korzinka.uz” supermarketlar tarmog‘i pitaxayya (pitayya)ni bir donasi uchun 25 990 so‘m narxda taklif qilgan edi.
Kumkvat ko‘chatlari O‘zbekiston ijtimoiy tarmoqlarida 2019-yilning kuzida mahalliy bog‘bonlarga taklif qilina boshlangan.
2020-yilning oktabr oyida esa ushbu ko‘chatlar narxi bir tup uchun 100 ming so‘mdan 200 ming so‘mgacha bo‘lgan.
Izoh (0)