Qoraqalpog‘istonda YHXBning so‘kong‘ich mansabdori ishdan olinib, o‘rniga yangi rahbar tayinlandi. Bu haqda “Daryo” muxbiri xabar berdi.
Ma’lum bo‘lishicha, bugun, 30-iyun kuni Qoraqalpog‘iston Respublikasi IIV tizimida 4 ta tayinlov amalga oshirilgan.
Hududning Shumanay, Xo‘jayli va Nukus tumani Ichki ishlar bo‘limlariga yangi rahbarlar tayinlangan. Shuningdek, Qoraqalpog‘iston yo‘l harakati xavfsizligi boshqarmasi boshlig‘i ham o‘zgargan.
Podpolkovnik Ulug‘bek Xudaybergenov Shumanay tumani Ichki ishlar bo‘limi boshlig‘i etib tayinlangan bo‘lsa, yana bir podpolkovnik Polat Iskenderov Xo‘jayli va Salamat Qallibekov Nukus tumani IIB boshlig‘i lavozimini egallagan.
Podpolkovnik Kazbekov Salavat Alibekovich esa Qoraqalpog‘iston Respublikasi IIV o‘rinbosari — Yo‘l harakati xavfsizligi boshqarmasi boshlig‘i etib tayinlangan. Salavat Alibekovich tayinlovga qadar Nukus tumani IIB boshlig‘i bo‘lib ishlagan.
Eslatib o‘tamiz, sobiq boshliq B.Xo‘janov avvalroq so‘kong‘ich va mushtumzo‘rligi bilan jamoatchilikka yaxshi tanilgandi. U qo‘l ostidagi xodimlariga kuch ishlatib, haqorat qilgan. Shundan keyin YHXB boshlig‘i intizomiy jazoga tortilib, kaltak yegan va haqoratga ko‘milgan YPX xodimlari esa ishdan olingandi. Hozircha kapitan B.Xo‘janov qaysi lavozimda ish boshlagani noma’lum.
Mavzuga doir:
Izoh (0)